२०७९ असार ६ गते, सोमबार

काठमाडौं । नेपाल आयल निगमले पेट्रोलियम पदार्थको मुल्यबृद्धि गरेसगै यातायात व्यवस्था विभागले अन्तर प्रदेश चल्ने सार्वजनिक यातायातमा भाडा वृद्धि गरेको छ । विभागले आजैदेखि लागू हुने गरी यात्रुवाहक सवारीसाधनमा ५.३० प्रतिशत भाडा बढाइएको हो ।
त्यसैगरी, पहाडी बाटोमा चल्ने मालवाहक सवारीसाधनमा ६.९४ प्रतिशत र तराईको सडकमा सञ्चालन हुने मालवाहक सवारीसाधनमा ७.७ प्रतिशत भाडा बढाइएको छ । वैज्ञानिक भाडा समायोजन प्रणालीमा इन्धनको मूल्य ५ प्रतिशत वा सोभन्दा बढीले घटेमा वा बढेमा स्वचालित रुपमा भाडादर परिवर्तन हुने उल्लेख छ ।