२०८० बैशाख २३ गते, शनिबार

काठमाडौँ । अख्तियार दुरुपयोग अनुसन्धान आयोगले प्रहरी नायब निरीक्षक (सई) विनोद विष्टलाई ५० हजार नगद र डेढ लाख रुपैयाँको चेकसहित पक्राउ गरेको छ । जिल्ला प्रहरी कार्यालय महोत्तरीमा लेखापालका रुपमा कार्यरत सई विष्टलाई अख्तियारले शुक्रबार दिउँसो काठमाडौंको नयाँबानेश्वरबाट घुससहित पक्राउ गरेको हो । अख्तियारका अनुसार उनी घुस रकम बुझ्नकै लागि महोत्तरीबाट काठमाडौं बिदामा आएका थिए ।