२०८० असार २४ गते, आईतवार

काठमाडौँ। सार्वजनिक खरिद अनुगमन कार्यालयले योजना तथा कार्यक्रम अलपत्र पार्ने २५ वटा निर्माण व्यवसायी र आपूर्तिकर्ता कम्पनीलाई स्पष्टीकरण सोधेको छ। खरिद अनुगमन कार्यालयले प्रकाशित गरेको सूचनामा भनिएको छ-“यी निर्माण व्यवसायी तथा आपूर्तिकर्तालाई कालोसूचीमा राख्न विभिन्न सार्वजनिक निकायबाट लेखी आएकाले कालोसूचीमा राख्न नपर्ने आधार वा प्रमाण भए सूचना प्राप्त भएको मितिले ३० दिनभित्र स्पष्टीकरण पेस गर्नु भनी निजहरुको ठेगानामा सूचना पठाइएको थियो। तर हालसम्म पनि लिखित स्पष्टीकरण पेस हुन नआएकाले थप सात दिनको समय दिइएको छ। “
लिखित स्पष्टीकरण पेस नगरेमा वा चित्तबुझ्दो जवाफ नआएमा ती कम्पनीलाई कालोसूचीमा राखिने पनि कार्यालयले जनाएको छ।