२०८० आश्विन १९ गते, शुक्रबार

काठमाडौँ । नेपाल राष्ट्र बैंकले मार्जिन प्रकृतिको सेयर धितो कर्जाको सीमा बढाएको छ । हाल एक व्यक्ति वा संस्थाले यस्तो कर्जा १२ करोडसम्म मात्रै लिन पाउने व्यवस्था रहेकोमा त्यसलाई बढाएर व्यक्तिलाई १५ र संस्थालाई २० करोडको सीमा बनाइएको हो । अब व्यक्तिगत लगानीकर्ताले १५ करोड र संस्थागत लगानीकर्ताले २० करोडसम्म यस्तो कर्जा लिन सक्ने भएका हुन् । बैंकले एकीकृत निर्देशन संशोधन गर्दै कर्जाको नोक्सानी व्यवस्थामा पनि सहजीकरण गरेको छ । असल वर्गमा वर्गीकरण भएको कर्जामा १ दशमलब ३ प्रतिशत नोक्सानी व्यवस्था गर्नुपर्नेमा यसलाई संशोधन गर्दै १ दशमबल २५ प्रतिशत गर्नुपर्ने व्यवस्था गरेको छ ।
शेयर बजारमा कर्जा सीमाले समस्या पारेको भन्दै हटाउन माग गरिंदै आएको थियो । गत २ असोजमा भएको वित्तीय क्षेत्र उच्चस्तरीय समन्वय समितिको बैठकमा राष्ट्र बैंक यस्तो कर्जा सीमा हटाउने नभै परिमार्जन गर्न भने तयार भएको थियो । सोही अनुरुप अहिले राष्ट्र बैंकले एकीकृत निर्देशन २०७९ संशोधन गर्दै १२ करोडको सीमा बढाएको हो ।