शेयर बजारमा दोहोरो अंकको वृद्धि
२०८० कार्तिक १ गते, बुधबार
काठमाडौँ । नेपाल स्टक एक्सचेञ्ज (नेप्से) मा न दोहोरो अंकको वृद्धि देखिएको छ । साताको कारोबारको तेस्रो दिन बुधबार नेप्से ४३.२७ अंकले बढेर १९०७ बिन्दुमा पुगेको छ । मंगलबार पनि नेप्से १३.१८ अंकले बढेको थियो । नेप्से बढे पनि कारोबार रकम भने खुम्चिएको छ ।
मंगलबार एक अर्ब ८४ लाख रुपैयाँ बराबरको कारोबार भएकोमा बुधबार ९३ करोड ४८ लाख ९४ हजार रुपैयाँमा सीमित भएको हो । नेप्सेका अनुसार आज कारोबार भएका २२३ कम्पनीको शेयरमूल्य बढेको छ भने १० कम्पनीको शेयरमूल्य घटेको छ । ३ वटा कम्पनीको शेयरमूल्य स्थिर छ । आज नेप्सेमा ३७ लाख ७२ हजार २३ कित्ता शेयर किनबेच भएको छ ।
