२०८० माघ ३ गते, बुधबार

काठमाडौँ । । नेपाल कम्युनिष्ट पार्टीका राजनीतिक ब्युरो सदस्य तथा चितवन शाखाका इन्चार्ज सन्देश सीले पार्टीको केन्द्रीय उत्पादन विभाग अन्तरगत चितवनको माडीमा रहेको उत्पादन शाखाले मह उत्पादन शुरु गरेको जानकारी दिएका छन । उनका अनुसार यसअघि तोरीको फुलबाट मह उत्पादन भएकोमा अब तोरी फुल्ने मौसम सकिएका कारण अब चिउरीको फुलबाट मह उत्पादन भइरहेको छ । चिउरीबाट मह उत्पादन गर्न मौरीको घारलाई चुरे पहाडमा चराउन लग्नुपर्छ । सो मौरीका घार अहिले चुरे पहाडको फेदीमा पर्ने शक्तिखोर वरपर लगिएको छ । यो चिउरी फूल्ने मौसम हो ।
स्मरणीय छ, चेपाङ समुदायको मुख्य सम्पत्ति मानिने चिउरीको फल खाईन्छ र बियाँबाट तेल निस्कन्छ । चिउरीको तेल हाडजोर्नी दुखेको विरामीको अचूक औषधी मानिन्छ । चेपाङ वा प्रजा समुदायका छोराहरु छुट्टिदा चिउरीको बोट अंशको रुपमा पाउँछन ।
चितवन उत्पादन केन्द्रले हाल प्रशोधन नगरी मह बेच्ने गरेकोले स्वास्थ्यकर मानिएको छ । चितवन वरपरको लागि ग्राहकले ९८४२९६८०३७, ९८४०५२८९९४ र काठमाडौंको लागि ९८४९८९६१४८ मा सम्पर्क गर्न सकिने उत्पादन विभागले जानकारी गराएको छ ।