२०८० फाल्गुन २५ गते, शुक्रबार

काठमाडौँ । त्रिभुवन अन्तर्राष्ट्रिय विमानस्थल सुरक्षा कार्यालयका प्रमुख एसएसपी कृष्णहरि शर्माका अनुसार भिजिट भिसामा यूएई जान लागेको अवस्थामा ३ जना महिला विमानस्थलबाट फर्काइएका छन् । एसएसपी शर्माले शंकास्पद रुपमा यूएई पठाउन लागेको खुलेपछि उनीहरुलाई फर्काइएको एजेन्ट भबिलाल थापालाई पनि नियन्त्रणमा लिइएको जनाए । उनीहरुले बिहीबार राति साढे १० बजे हिमालय एयरलाइन्सबाट दूबई जान लागेका थिए । पक्राउ परेका थापालाई थप अनुसन्धानका लागि उपत्यका अपराध अनुसन्धान कार्यालय पठाइएको एसएसपी शर्माले बताए ।