२०८१ श्रावण ९ गते, बुधबार

काठमाडौँ । नेपाल सुनचाँदी व्यवसायी महासंघका अनुसार सुनको मूल्य प्रतितोला १ लाख ४७ हजार ४ सय रुपैयाँ निर्धारण भएको छ। मंगलबार प्रतितोला १ लाख ४६ हजार ३ सय रुपैयाँमा कारोबार भएको थियो। चालु महिना सुन अधिकतम १ लाख ४९ हजार ८ सय रुपैयाँसम्म पुगेको छ भने घट्दा १ लाख ४६ हजार २ सय रुपैयाँभन्दा तल गएको छैन।
चाँदी तोलामा १५ रुपैयाँ बढेको छ। बुधबार चाँदीको कारोबार मूल्य प्रति तोला १ हजार ८ सय ५ रुपैयाँ भएको छ। सोमबार र मंगलबार तोलाको १ हजार ७ सय ९० रुपैयाँ रहेको चाँदी साताको पहिलो दिन १ हजार ८ सय १० रुपैयाँ पुगेको थियो।
अन्तर्राष्ट्रिय बजारमा सुनको मूल्य पुन: बढ्न थालेको छ। मंगलबार प्रति औंस २३९५.३८ डलरले कारोबार भएको सुन बुधबार २४१७.५४ डलर भएको छ। चाँदी प्रति औंस २९.३१ डलर छ। मंगलबार २८.९५ डलरमा कारोबार भएको थियो।