२०८१ श्रावण २३ गते, बुधबार

काठमाडौँ । नेपाल राष्ट्र बैंकले आजका लागि एक अमेरिकी डलरको विनिमय दर १३४.६३ रुपैयाँ (बिक्री दर) तोकेको छ । यो हालसम्मकै उच्च हो । मंगलबार एक अमेरिकी डलरको विनिमय दर १३४.४६ रुपैयाँ थियो । बुधबारको विनिमय दर १७ पैसाले बढी हो ।
राष्ट्र बैंकका अनुसार ०८० असार मसान्तको तुलनामा गत जेठसम्म अमेरिकी डलरसँग नेपाली रुपैयाँ १.६६ प्रतिशतले अवमूल्यन भएको छ । अघिल्लो वर्षको सोही अवधिमा नेपाली रुपैयाँ २.७१ प्रतिशतले अवमूल्यन भएको थियो । यसअनुसार ०८१ साउन २२ सम्म अमेरिकी डलर एकको खरिद विनिमय दर १३४.४६ रुपैयाँ पुगेको छ । ०८० असार मसान्तमा उक्त विनिमय दर १३१.१७ रुपैयाँ थियो ।