२०८१ चैत्र ३ गते, आईतवार

काठमाडौँ । नेपाल आयल निगमले गए रातिदेखि लागु हुने गरी पेट्रोल, डिजेल र मट्टीतेलको मूल्य घटाइएको छ । निगमले पेट्रोलमा प्रतिलिटर पाँच रुपैयाँ, डिजेल र मट्टीतेलमा चार रुपैयाँको दरले घटाइएको छ ।
नयाँ मूल्यसूची अनुसार, काठमाडौं, पोखरा र दिपायलमा पेट्रोल प्रतिलिटर १६३ रुपैयाँ पर्नेछ । यी स्थानमा डिजेल र मट्टीतेलको मूल्य प्रतिलिटर १५१ रुपैयाँ कायम गरिएको निगमले जनाएको छ । भारतबाट इन्धनको मूल्य घटेर आएकाले नेपालमा पनि सोही अनुसार समायोजन गरिएको निगमले जनाएको छ ।