२०७० आश्विन १४ गते, सोमबार

दार्चुला, १४ असोज । दार्चुला जिल्ला स्वास्थ्य कार्यालयमा औषधि अभाव भएको छ ।अस्पतालमा सामान्य औषधिसमेत नहुँदा बिरामीले समस्या भोग्नु परेको छ ।अस्पतालसँग सामान्य सिटामोल समेत नहुँदा बिरामीलाई अहिले निजी मेडिकल पठाइने गरिएको छ । असार पहिलो साता आएको बाढीपछि जिल्ला अस्पतालले औषधि अभाव झेल्नु परेको डा. नवीन तिवारीले बताए । सरकारले ४२ प्रकारका औषधि निःशुल्क उपलब्ध गराइरहेको भए पनि पछिल्ला दिनमा अस्पतालले सामान्य औषधिसमेत बाहिर खरिद गर्न पठाउने गरेको स्थानीयवासीले गुनासो गरेका छन् ।