२०७१ असार ३० गते, सोमबार

काठमाडौं, ३०असार । ललितपुरको इमाडोलस्थित किष्ट मेडिकल कलेजमा अध्ययनरत विद्यार्थीहरु छात्रावास र पुस्तकालयको उचित व्यवस्थापनको माग गर्दै ११ दिनदेखि आन्दोलित छन् ।उनीहरुले मेडिकल कलेजको परिसरमा धर्ना तथा हातमा कालोपट्टी बाँधेर विरोध गरिरहेका छन् । मेडिकल कलेजले सञ्चालन गरेको शिक्षण अस्पतालमा राति काम गर्नेहरुको लागि बस्ने कोठाको व्यवस्था हुनुपर्ने, कलेजमा अध्ययनरत विद्यार्थीहरुको लागि उपचार खर्चमा शतप्रतिशत छुटको व्यवस्था गर्नुपर्ने लगायत ११ सुत्रीय माग विद्यार्थीहरुको छ ।
कलेज व्यवस्थापनले माग सम्बोधन गर्नुको सट्टा होस्टेल छाड्न धम्की दिएको आन्दोलनरत विद्यार्थीहरुको भनाइ छ ।मेडिकल कलेजले भने विद्यार्थीहरुको आन्दोलनका बारेमा कुनै प्रतिक्रिया दिएको छैन ।