२०७२ माघ १ गते, शुक्रबार

काठमाडौं, १ माघ । आज ‘योगमा मस्त रहौं, जीवनभर स्वस्थ रहौं’ भन्ने मूल नाराका साथ देशभर राष्ट्रिय योग दिवस मनाईंदैछ । सरकारले प्रत्येक वर्ष माघ १ गते राष्ट्रिय योग दिवस मनाउने घोषणा गरे अनुरुप यो दिवस मनाउन थालिएको हो । यसै अवसरमा शिक्षा मन्त्रालयको अगुवाईमा आज राजधानीको शान्ति वाटिकाबाट र्‍याली निकालियो । र्‍याली नगरका विभिन्न ठाउँको परिक्रमा पछि पुनः शान्तिबाटिका पुगी समापन भएको थियो । र्‍यालीमा योगसम्बन्धी संघसंस्था, धार्मिक संघसंस्था, योगप्रेमी, विद्यार्थीलगायतको सहभागिता थियो ।