२०७३ मंसिर २४ गते, शुक्रबार

काठमाडौँ, २४ मंसिर । काठमाडौँको उत्तरी गाउँ फुटुङमा निःशुल्क दन्त शिविर सञ्चालन भएको छ । महालक्ष्मी इङ्लिस हाइस्कुलको आयोजना र पिपुल्स डेन्टल कलेज एन्ड हस्पिटलको सहयोगमा उक्त शिविर सञ्चालन भएको हो । “दाँतलाई हामी स्वाभाविक अङ्ग ठान्छौँ तर दाँत नहुँदा कति समस्या हुन्छ त्यो दाँत गुमेपछि मात्र महसुस हुन्छ । पहिले नै यसबारे सचेत हुनु जरुरी छ । जुन कुरालाई ध्यानमा राख्दै यो शिविर सञ्चालन गरिएको हो ।”, विद्यालय व्यवस्थापन समितिका अध्यक्ष सनकमान महर्जनको भनाइ थियो । शिविर १ दिने रहेको र यसमा विद्यालका विद्यार्थी र शिक्षक गरी करिब ६ सय जनाले सेवा लिएको जानकारी विद्यालयका प्राचार्य अशोकराज भण्डारीले जानकारी दिए ।