२०७४ माघ १० गते, बुधबार

काठमाडौं, १० माघ । अमेरिकाको केन्टकी राज्यमा गोली हानेर दुई जनाको हत्या गरिएको छ । एक उच्च माध्यमिक विद्यालयमा त्यही पढ्ने विद्यार्थीले हानेको गोली लागेर १५ वर्षका छात्र र छात्रा मारिएका हुन् । घटनामा १७ विद्यार्थी घाइते भएका छन् । घाइतेमध्ये ५ जनाको अवस्था गम्भीर छ । घटनामा संलग्न छात्रलाई पक्राउ गरी अनुसन्धान थालेको त्यहाँको प्रहरीले जनाएको छ । स्थानीय सञ्चारमाध्यमका अनुसार उक्त विद्यार्थीले कक्षामा पढाई सुरु भएपछि हाते बन्दुक निकाली गोली चलाएका थिए ।-एजेन्सी