२०७८ पुष २७ गते, मंगलवार

काठमाडौँ । नेपाल कम्युनिस्ट पार्टीनिकट अखिल क्रान्तिकारीसहित सात बिद्यार्थी संगठनले चिकित्सा शिक्षा आयोगले तोकेको भन्दा बढी शुल्क लिने विभिन्न कलेजलाई छानबिन गरि कारबाही गर्न माग गर्दै गृहमन्त्री बालकृष्ण खाँडलाई ध्यानाकर्षण गराएका छन । नोबेल मेडिकल कलेजमा उत्पन्न विवादमा सहजीकरण गर्न गएको विद्यार्थी प्रतिनिधिहरुमाथि कलेज प्रशासन र संचालकका भिजिलान्ते गुण्डाहरुले सुरक्षा गार्डको पोशाक लगाएर विद्यार्थीहरु माथि ढुंगामुढा गरेको ति संगठनको आरोप छ।
सात विद्यार्थी संगठनले सम्बन्धित कलेजमाथि छानबिन गरि दोषीलाई कानुनी कारबाही र विद्यार्थीलाई सृुरक्षाको प्रत्याभुति दिलाउन मागसमेत गरेका छन ।
चिकित्सा शिक्षा आयोगले तोकेको भन्दा चर्को शुल्क लिने र अभिभावकहरूलाई धम्कि दिएको विरोधमा विद्यार्थीहरुले गरेको आन्दोलनप्रति एक्यबद्धता जनाएको सोमबार विज्ञप्तीमार्फत सात विद्यार्थी संगठनले जानकारी दिएका थिए ।