२०८१ असार ३० गते, आईतवार

काठमाडौँ । यही असार ३१ गते सोमबार डाकिएको त्रिभुवन विश्वविद्यालय (त्रिवि)को सभा स्थगित भएको छ । त्रिविको सूचना तथा जनसम्पर्क महाशाखाका प्रमुख भीमप्रसाद श्रेष्ठले सोमबार हुने भनिएको सभा राजनीतिक परिस्थितिका कारण स्थगित गर्नुपरेको जानकारी दिए ।
प्रधानमन्त्री प्रचण्ड संसद्मा विश्वासको मत नपाएर स्वतः पदमुक्त र नयाँ प्रधानमन्त्री नियुक्त भइनसकेको अवस्थामा सभा गर्न समस्या भएको हो । यसअघि, त्रिविका कुलपति एवं प्रधानमन्त्रीले त्रिवि सभा असार ३१ गते गर्ने निर्णय गरेका थिए ।