२०८१ पुष ६ गते, शनिबार

काठमाडौ । संयुक्त राष्ट्र संघको डिसेम्बर २१ लाई विश्व ध्यान दिवस मनाउने निर्णय अनुरुप नेपाललगायत विश्वभर यो दिवस उत्साहका साथ मनाइँदै छ । विश्व ध्यान दिवसका अवसरमा विश्वव्यापी रुपमा ३२ घण्टासम्म लगातार ध्यान कार्यक्रम आयोजना गरिने भएको छ।
राष्ट्रसङ्घले ऐतिहासिक मान्यता दिई हरेक वर्ष डिसेम्बर २१ मा विश्व ध्यान दिवस मनाउने निर्णयको यस क्षेत्रमा काम गर्ने विभिन्न संस्थाले स्वागत गरेका छन्।
नेपाल सरकारले पनि आज ध्यान दिवस मनाउने जनाएको छ। यस अवसरमा देशभरका योग, ध्यानलगायत आध्यात्मिक क्षेत्रमा काम गर्ने सङ्घ संस्थाले विभिन्न कार्यक्रम आयोजना गरिएको बताएका छन ।