२०७९ असार १७ गते, शुक्रबार

काठमाडौं । अखिल(क्रान्तिकारी)ले जनक शिक्षा सामाग्री केन्द्रका प्रबन्ध निर्देशक अनिलकुमार झा लाई कालोमोसो दलेर कारबाही गरेको जनाएको छ। नेपाल कम्युनिस्ट पार्टीनिकट अखिल (क्रान्तिकारी) ले प्रबन्ध निर्देशक झा लाई सरकारी बिघ्यालयहरुमा पाठ्यपुस्तकको चरम कृतिम अभाव र भ्रष्टाचारको आरोपमा कारबाही गरेको जनाएको छ।
अखिल(क्रान्तिकारी) केन्द्रीय समितीले प्रबन्ध निर्देशक झा लाई कारबाही गर्नुको कारण सहितको पर्चा जारी गरेको छ।क्रान्तिकारीद्वारा जारी पर्चामा देशैभरी सरकारी बिधालयहरुमा पाठ्यपुस्तकको चरम कृतिम अभाव गराएको,राजधानीमै पाठ्यपुस्तकको चरम अभाव गराएको,जनक शिक्षा समाग्री केन्द्रमा लामो समयदेखी चरम भ्रष्टाचार गरेको,कागज खरिदमा चरम अनियमितता गरेको,निजि दलाल शैक्षिक संस्थासंग मिलेर जनक शिक्षा समाग्री डुबाउने खेलमा लागेको र जनताका छोराछोरीको भविस्यमाथी चरम खेलवाड गरेको उल्लेख गरिएको छ।