२०८० श्रावण १३ गते, शनिबार

काठमाडौं। समाजवादी मोर्चा नेपालसम्बद्ध समाजवादी विद्यार्थी मोर्चा नेपालका विद्यार्थी नेताहरूले शनिबार प्रधानमन्त्री प्रचण्डसँग भेट गरेका छन् । प्रधानमन्त्रीसँगको भेटमा नेकपा अखिल (क्रान्तिकारी) का अध्यक्ष प्रकाश शाही, माओवादी केन्द्र निकट अखिल (क्रान्तिकारी) की अध्यक्ष पञ्चा सिंह, नेकपा एस निकट अनेरास्ववियूका अध्यक्ष सुदेश पराजुली र समाजवादी विद्यार्थी युनियनका अध्यक्ष रमेश यादवको सहभागिता रहेको थियो । भेटमा मुख्य गरि आइतबार घोषणा हुने समाजवादी विद्यार्थी मोर्चाको कार्यक्रममा प्रधानमन्त्रीलाई प्रमुख अतिथिको निमन्त्रणा दिएको, पछिल्लो चरणमा त्रिभुवन विश्वविद्यालयमा देखिएको लापरबाही, परिक्षा, नतिजा प्रकाशनमा देखिएको समस्या ,सेवा आयोगको समस्याबारे जानकारी गराएको र ७१ दिन देखी MBBS/BDS का विद्यार्थी हरु आफुले परिक्षा दिन पाउनु पर्ने नभए आफुहरु बाट मेडिकल कलेज संचालकले लिएको पैसा फिर्ता गर्नु पर्ने माग राख्दै चिकित्सा शास्त्र अध्ययन संस्थान महाराजगन्जको गेटमा रिले अनशनमा बसिसकेका विद्यार्थीहरुलाई परिक्षा दिने वातावरण तयार गरिदिनेबारे विषयमा छलफल भएको र यी कुराहरुमा प्रधानमन्त्रीले सकारात्मक रहेको अखिल (क्रान्तिकारी) का अध्यक्ष प्रकाश शाहीले जानकारी दिए ।
यहीँ बिहीबार समाजवादी विद्यार्थी मोर्चाका नेताहरुले त्रिभुवन विश्वविद्यालयका उपकुलपति प्रा. डा. धर्मकान्त बास्कोटालाई भेटेर मेडिकल विद्यार्थीको समस्या तत्काल हल गर्न सल्लाह दिएकाे र भेटमा उपकुलपति बास्कोटाले प्रधानमन्त्री तयार भए आफू तयार रहेको आश्वासन दिएका थिए । हिजो शुक्रबार संयुक्त विद्यार्थी संगठनले MBBS/BDS अध्ययनरत विद्यार्थीले उठाएको माग सम्बाेधन गर्नुपर्ने भन्दै उपकुलपतिलाई माग पत्र बुझाएका थिए । त्रिभुवन विश्वविद्यालय अन्तर्गत विभिन्न कलेजहरुमा MBBS/BDS अध्ययनरत विद्यार्थीहरु दोस्रो वर्षमा barrier मा परेपछि उनीहरु २ बर्षदेखि व्यारिएर प्रणाली खारेज गरेर विद्यार्थीले परीक्षा दिन पाउनु पर्ने नभए कलेजले लिएको पैसा फिर्ता लिनु पर्ने माग राख्दै चरणबद्ध संघर्षमा छन् । हाल उनीहरु चिकित्साशास्त्र अध्ययन संस्थान डिनको कार्यालय अगाडि ७१ दिनदेखि रिले अनशनमा छन् ।
चारवटा पार्टीबिच समाजवादी मोर्चा नेपाल निर्माणपछि आइतबार ४ पार्टी निकट विद्यार्थी संगठनहरुले ललितपुरको हिमालय इन्जिनियरीङ कलेज च्यासलमा ११ बजे समाजवादी विद्यार्थी मोर्चा नेपाल घोषणा कार्यक्रमको आयोजना गरेका छन् ।
आइतबारको कार्यक्रममा प्रमुख अतिथिको रुपमा प्रधानमन्त्री पुष्पकमल दाहाल प्रचण्ड, विशेष अतिथिहरु नेपाल कम्युनिस्ट पार्टीका महासचिव विप्लव सी , नेकपा (एकीकृत समाजवादी) का अध्यक्ष माधव नेपाल र जनता समाजवादीका अध्यक्ष उपेन्द्र यादवको आतिथ्यतामा घोषणा हुँदै छ ।
उक्त घोषणा कार्यक्रममा देशभक्त, प्रगतिशील, क्रान्तिकारी, राष्ट्रवादी विद्यार्थीहरु,पत्रकार लगायत सबैलाई उपस्तिथिको निम्ति निमन्त्रणा गरेको छ।