काठमाडौँ । नेपाल कम्युनिस्ट पार्टीका महासचिव विप्लव सीले अमेरिकाले नेपालमा सैन्य अखडा राखेर चीनको विरुद्ध लड्न खाेजिरहेकाे ठोकुवा गरेका छन् । सो पार्टीको कपिलवस्तुको शिवगढीस्थित पार्टी कार्यालयमा सुरु भएको केन्द्रीय प्रतिनिधि समितिकाे बैठकलाई सम्बोधन गर्दै महासचिव विप्लव सीले सो ठोकुवा गरेका हुन्।
महासचिव विप्लव सीले उक्त बैठकमा प्रस्ताव प्रस्तुत गर्दै एमसीसीकाे घाेडा चढेर अमेरिकाले सैन्य अखडा राख्ब खोजेको उल्लेख गर्दै त्यसो भएमा नेपाल युक्रेन बन्न सक्ने भन्दै यस्तो खण्डमा नेपालका सम्पूर्ण कम्युनिस्टहरु लड्न तयार हुनुपर्ने बताए ।

आजवाट सुरु भएको नेकपाकाे केन्द्रीय प्रतिनिधि बैठकमा महासचिव विप्लव सी ले पेस गरेको प्रस्तावमाथि सहभागीहरुले छलफल गरिरहेका छन् । छलफलका लागि बैठकमा सहभागी १८० जनालाई २६ वटा समुहमा विभाजित गरिएको छ र छलफल भइरहेको छ । भाेलि बिहान ८ बजेदेखि समुहका टाेली नेताहरूले समुहको धारणा राख्ने क्रम सुरु हुनेछ ।