२०८० आश्विन १७ गते, बुधबार

काठमाडौँ । नेपाल कम्युनिष्ट पार्टीले आज एमसीसीविरुद्ध देशभर प्रदर्शन गर्ने बताइएको छ। हाल अमेरिकी परियोजना मिलेनियम च्यालेन्ज कर्पोरेसन (एमसीसी) की प्रमुख कार्यकारी अधिकृत (सीईओ) एलिस अलब्राइट नेपाल भ्रमणमा रहेको र उनले एमसीसी परियोजना कार्यान्वयनबारे प्रधानमन्त्री प्रचण्डलगायत बिभिन्न दलका नेतासंग भेटघाटलाई तिब्रता दिदै आएकी छन। यसैक्रममा आज एमसीसी कार्यान्वयन भएको खुशियालीमा उत्सब आयोजना गरिएको बिरोधमा नेपाल कम्युनिष्ट पार्टीले काठमाडौँ उपत्यकालगायत देशभर प्रदर्शन गर्ने बताइएको छ ।

यसैक्रममा , काठमाडौं उपत्यकामा दिउँसो साढे २ बजे सुन्धाराबाट र्याली सुरू भएर शान्तिबाटिकामा विराेध सभा हुने नेकपा उपत्यका ब्युराेले जनाएकाे छ । नेकपा उपत्यका व्युरो र संयुक्त जवसकाे आयाेजनामा विराेध प्रदर्शन हुने उपत्यका ब्युरो इन्चार्ज कृति सीले बताए ।