२०७० जेष्ठ ६ गते, सोमबार

काठमाडौं, – फर्जि भर्ना खारेजीको माग गर्दै नेकपा–माओवादी निकट अखिल क्रान्तिकारीले काठमाडौंको रत्न राज्यलक्ष्मी ताला लगाएको छ ।आसन्न स्ववियु निर्वाचनलाई प्रभावित पार्नेगरि अवैध रुपमा एकमुस्ट भर्ना गरिएको भन्दै क्याम्पसमा तालाबन्दि गरेको अखिल क्रान्तिकारी आरआर क्याम्पस कमिटीका अध्यक्ष ललित बिकले जानकारी दिए । अखिल क्रान्तिकारीले भर्ना खारेज नभएसम्म तालाबन्दी नखोल्ने जनाएको छ । त्रिभुवन विश्वविद्यालयले तोकेको समय सकिँदा पनि राति १२ बजेसम्म क्याम्पस खोलेर गरिएको भर्ना खारेज हुनुपर्ने माग क्रान्तिकारीले गरेको छ ।बिकले एमाओवादी निकट अखिल क्रान्तिकारी र एमाले निकट अखिलले १२ देखि १५ सयसम्म भर्ना गरेको दावी गरे ।