२०७४ मंसिर १ गते, शुक्रबार

काठमाडौं, १ मंसिर । ककनी गाउँपालिका–५ डाडाँगाउँमा चुनावी प्रचारमा रहेका नेपाली कांग्रेसका नेता रामशरण महतलाई लक्षित गरी बम प्रहार भएको छ ।
बम प्रहार हुँदा कांग्रेसका कार्यकर्ता उपेन्द्र मिश्र, सविन लामा, यसकुमार तामाङ, लिला घर्ती मगर गम्भीर घाइते भएको प्रमुखु जिल्ला अधिकारी जगदिशराज बरालले जानकारी दिए । चुनावी प्रचारमा प्रयोग गरिएको बा १६ च ६६५ को जीपमा पूर्णरुपमा क्षति पुगेको छ । उक्त विष्फोटमा परेर ४ जना घाइते भएका छन् । माइन विस्फोट गराउनेको खोजतलास गरिरहेको प्रहरीले जनाएको छ । उक्त विष्फोट कसले गराएको भन्ने बारे आधिकारिक पुष्टि भएको छैन ।