२०७४ मंसिर १६ गते, शनिबार

काठमाडौं, १६ मंसिर । नेकपा माओवादी केन्द्रका प्रचण्डले सम्बोधन गरेको सभामा बम विस्फोट गराइएको छ । एमाले र माओवादी केन्द्रको चुनावी सभालाई लक्षित गर्दै शनिबार कपिलवस्तुको मायादेवी गाउँपालिका पकडीमा आयोजित सभामा बम विस्फोट भएको हो ।
बम विस्फोट हुँदा प्रचण्डले सभालाई सम्बोधन गरिरहेका थिए । बिस्फोटलगत्तै भाषण छोट्याएर प्रचण्ड फटाफट गाडीमा बसेका थिए । लगत्तै सभा समेत समापन गरिएको छ । विस्फोटबाट कुनै क्षति भने नभएको प्रहरीले जनाएको छ । विष्फोटको आवाजसँगै सभामा आएका सर्वसाधारणको भागाभाग भएको छ । घटनास्थललाई नियन्त्रणमा लिएर नेपाली सेनाको टोलीले अनुसन्धान गरिरहेको छ ।