२०८१ श्रावण १० गते, बिहीबार

काठमाडौँ । नेपाल कम्युनिस्ट पार्टीका स्थायी समिति सदस्य तथा कर्णाली प्रदेश इञ्चार्ज शुसिल सीले माओवादी र सम्पूर्ण कम्युनिस्ट घटकहरुलाई एकैठाउमा ल्याएर समाजवादी क्रान्ति पुरा गर्ने नेकपाको लक्ष्य रहेको बताएका छन्। बिहिबार काठमाडौँको भद्रकालीस्थित राससको सभाहलमा सम्पन्न कालीकोट-काठमाडौँ समाजवादी सम्पर्क मंचको प्रथम भेलालाई अतिथिको रुपमा सम्बोधन गर्दै यस्तो बताएका हुन्।
नेता शुसिल सी ले पार्टी देश र जनताहरुलाई आत्मानिर्भर बनाउँदै सम्पूर्ण माओवादी लगायतका कम्युनिस्ट घटकहरुलाई एक गरेर समाजवादी क्रान्ति सम्पन्न गर्ने लक्ष्य नेकपाको रहेको बताए। उनले भने, “जनयुद्ध अगाडिदेखि नै कालिकोटले क्रान्तिका लागि ठूलो भूमिका खेलेको छ। समाजवादी क्रान्ति सम्पन्न गर्न र सम्पूर्ण माओवादी घटकहरु एक भएको शन्देश दिन कालिकोटको भूमिका अझ बढी चाहिएको छ। त्यसैलाई परिपूर्ति गर्न यो समाजवादी सम्पर्क मंचको अवधारणा अगाडी ल्याइएको छ।” उनले यो समाजवादी मंच आम युवाहरुको राजनीतिक भूमिका र समाजवादका लागि अबिचलित यात्रा तय गर्ने ससक्त खुल्ला मोर्चा भएको बताए।
नेकपाकी केन्द्रीय सदस्य भृकुटी सीको अध्यक्षतमा सम्पन्न भेलालाई प्रमुख अतिथि अनील सीसहित स्थायी समिति सदस्य भरत सी, सुशील सी, लगायतका नेताहरुले सम्बोधन गरेका थिए। भेलाको संचालन केन्दीय सदस्य सागर सीले गरेका थिए भने काठमाडौं कालिकोट समाजवादी सम्पर्क मञ्चको कार्यसमितिको प्यानल प्रस्ताव नेकपाका पोलिट ब्युरो सदस्य नवीन सीले गरेका थिए । भेलाले रुपसिह बोहोरा ९हेमन्त सी०को नेतृत्वमा ५१ सदस्यीय समाजवादी मञ्च गठन गरेको छ।
अन्य निर्वाचित सदस्यहरुमा बिनित सी, गोबिन्द बिक, पासाङ बिक, प्रेम बिक, सेरवबहादुर सी, अक्कल सी, दान बहादुर सी, ललित सी, तिलम सी, गणेश सी, चतुरे सी, निराजन सी, राजन सी, नेकेन्द्र सी, मङ्गला सी, मनिस सी, उर्मिला सी, जीवन सी, कल्पना सी, जनक सी लगायत ५१ जना रहेका छन् । – शाहस भट्ट