२०८१ भाद्र १० गते, सोमबार

काठमाडौँ । सहिद अजवलाल यादवकी जीवनसाथी पूर्व सांसदसमेत रहेकी शिला नेपाल कम्युनिस्ट पार्टीमा प्रवेश गरेकी छन् । उनि नेकपा (एमाले) को केन्द्रीय सदस्यसमेत रहेकी थिइन् । साेमबार बिहान नेकपाका महासचिव विप्लवले उनलाई पार्टीमा स्वागत गरेका हुन् । उक्त अवसरमा मन्तव्य राख्दै सहिद अजवलाल यादवकी जीवनसाथी पूर्व सांसदसमेत रहेकी शिलाले एमाले पार्टीमा सहिदको अपमान भएपछि राजिनामा दिएर बसेको र अब क्रान्तिकारी पार्टीमा आबद्ध भएपछि मृत्यु पनि सन्ताेषजनक हुने बताइन । मन्तव्यकाे क्रममा उनको आँखामा पीडा र गर्वका आँशु छचल्किदा वातावरण भावनामय भएको थियो ।
उक्त कार्यक्रममा नेकपाका स्थायी समिति सदस्य अनिल सी, केन्द्रीय सदस्य पवन सी, धनुषा जिल्लाका पूर्व सचिव दिनेश सीलगायत नेताहरूको उपस्थिति रहेको थियो ।