२०८१ कार्तिक १८ गते, आईतवार

काठमाडौँ । नेपाल कम्युनिस्ट पार्टीका प्रवक्ता तथा बागमती प्रदेश इन्चार्ज प्रकाण्ड सीले रगत र सुखको बलिदान गर्नेले कहिले नहार्ने ठोकुवा गरेका छन्। सङ्गीत अभियात्राले शनिबार नेपाल कम्युनिस्ट पार्टीको केन्द्रिय कार्यालय बुद्धनगरमा गरेको देउसी भैलो कार्यक्रममा बोल्दै प्रवक्ता प्रकाण्ड सीले सो ठोकुवा गरेका हुन्।
उक्त देउसी भैलो कार्यक्रममा बोल्दै प्रवक्ता प्रकाण्ड सीले नेपाली जनताले सच्चा नेता नपाउदा ठूल-ठूला बलिदान गरेपनि मुक्ति पाउन नसकेको बताए। उनले देश र जनताले अहिले दुख: खेपिरहेको बताउदै देश र जनतालाई मुक्त पार्न नेकपा संघर्षशिल भएको बताए।
प्रवक्ता प्रकाण्ड सीले एकीकृत जनक्रान्तिमार्फत् नेपाली विशेषताको समाजवाद स्थापना गरेर देश र जनतालाई मुक्त पार्न प्रतिबद्ध भएको बताए। उनले नेकपाको यस कार्यलाई सहयोग गर्न सङ्गीत अभियात्रालाई आग्रह समेत गरे।