२०८१ कार्तिक १९ गते, सोमबार

काठमाडौँ । नेपाल कम्युनिस्ट पार्टीका महासचिव विप्लव सी आलु खेतीमा व्यस्त भएका छन् । नेकपाका महासचिव विप्लव सीसहितका नेता कार्यकर्ताले आइतबार कपिलवस्तुस्थित केन्द्रिय जनकम्युनको करिब आधा विघामा आलु रोपेकाछन् ।सो पार्टीले जनकम्युन कपिलवस्तुमा करिब ५ विघामा उत्पादन समेत गर्ने जनाएको छ । सोहिक्रममा महासचिव विप्लव सीको नेतृत्वमा ५ विघामा आलु रोप्ने तयारीको थालिएको बताइएको छ ।
यसैगरी, नेकपाले चितवन ,रुपन्देही ,कपिलवस्तु ,दाङ ,बाके,बर्दिया र कैलालीमा करिव ४० विघामा आलु रोप्ने तयारी रहेको जनाएको छ ।
स्मरणीय छ, गत महिनामात्र जनश्रम कृषि सहकारी सस्था र सि. जी. फुड्स नेपाल बीच न्युनतम ४ लाख किलाे आलु खरिद गर्ने सम्झाैता भएको थियो ।