२०७० चैत्र १३ गते, बिहीबार

काठमाडौं, १३ चैत। एकीकृत नेकपा माओवादीका अध्यक्ष पुष्पकमल दाहालकी छोरी ज्ञानु दाहाल(केसी)को मृत्यु भएको छ। लामो समयदेखि क्यान्सरले पीडित दाहालको आज ओम अस्पतालमा निधन भएको छ । प्रचण्डका सहयोगी शिव खकुरेलका अनुसार प्रचण्ड अहिले अस्पताल पुगेका छन्। उनको शव पशुपति आर्यघाट लगिएको छ।
करिब ८ वर्षदेखि स्तन क्यान्सरबाट पीडित ज्ञानुको ओम अस्पताल चावहिलमा उपचार भइरहेको थियो। यसअघि दिल्लीको फोर्टिज अस्पतालमा उनको उपचार गराइएको थियो। ज्ञानुलाई गत साता काठमाडौं ल्याइएको थियो ।