२०७० चैत्र १७ गते, सोमबार

काठमाडौ, १७ चैत ।संबैधानिक अंगका प्रमुखको नियुक्तिबारे छलफल गर्न आज विहान बसेको संवैधानिक परिषदको बैठकले कायम मुकायम प्रधान न्यायधीश दामोदरप्रसाद शर्मालाई प्रधान न्यायधीशका लागि सिफारिस गरेको छ । परिषद्ले सिफारिस गरेर संसदीय सुुनुवाई भएपछि राष्ट्रपतिले प्रधानन्यायाधीश नियुक्त गर्ने कानुनी प्रावधान रहेको छ ।
प्रधानन्यायधीश खिलराज रेग्मी गत वर्षको चैतमा मन्त्रीपरिषदको अध्यक्ष भएपछि यो पद खाली थियो । सर्वोच्च अदालतका बरिष्ठ न्यायधीशलाई प्रधान न्यायधीश बनाउने प्राबधान रहिआएको छ ।प्रधानमन्त्री तथा मन्त्रिपरिषद कार्यालय सिंहदरबारमा भएको बैठकमा सोमबार भने अरु विषयमा छलफल भएन । सर्वोच्च अदालत न्यायाधीश बिहीन हुन थालेपछि परिषद्ले पहिलो प्राथमिकतामा न्यायाधीश नियुक्तीलाई दिएको छ ।