२०७२ जेष्ठ १८ गते, सोमबार

काठमाडौं, १८ जेठ । चार राजनीतिक शक्तिका शिर्ष नेता एक महिनाभित्रै नयाँ संविधान जारी गर्न प्रतिवद्ध देखिएका छन् । आज बिहान प्रधानमन्त्री सुशील कोइरालाको सरकारी निवास बालुवाटारमा बसेको नेपाली कांग्रेस, नेकपा–एमाले, एकीकृत माओवादी र मधेसी मोर्चाका शिर्ष नेताहरुको बैठकमा एक महिनाभित्रै संविधान जारी गरेर राष्ट्रिय सहमतिको सरकार गठन गर्ने सहमति भएको हो ।
बैठकमा जसरी पनि दलहरुबीच सहमति जुटाउने कुरा भए पनि कसरी सहमति जुटाउने भन्ने विषय नटुंगिएको मधेसी मोर्चाका संयोजक विजय गच्छदारले पत्रकारहरुलाई बताए ।