२०७२ माघ १८ गते, सोमबार

काठमाडौ, १८ माघ । नेपाली सेनाका प्रधानसेनापति राजेन्द्र क्षेत्री भारतका स्थल सेनाध्यक्ष जनरल दलवीर सिंहको औपचारिक निमन्त्रणामा आज भारत जाँदै छन । प्रधानसेनापति क्षेत्रीलाई भारतका राष्ट्रपति प्रणव मुखर्जीबाट भारतीय स्थलसेनाको मानार्थ महारथी दर्जाको दर्ज्यानी चिह्नबाट सम्मान गर्ने कार्यक्रम रहेको सैनिक जनसम्पर्क सनिर्देशनालयले जनाएको छ । भ्रमणका क्रममा प्रधानसेनापति क्षत्रीले भारतका स्थल सेनाध्यक्ष, वायुसेना प्रमुख, नौसेना प्रमुखसँग भेटघाट गर्नुका साथै भारतका गृहमन्त्री, रक्षामन्त्री, विदेश मन्त्रीलगायत उच्चपदस्थ पदाधिकारीसँग पनि भेट गर्ने बताइएको छ ।
प्रधानसेनापतिको भ्रमण दलमा उनकी श्रीमती रीता क्षत्री, सैनिक समाचार महानिर्देशक उपरथी शम्शेर ठकुराठी, सहायक रथी काजीबहादुर खत्री, नयाँ दिल्लीस्थित नेपाली सैनिक सहचारी सहायकरथी अरुण घलेलगायत नौजना रहनेछन् ।