संघीय गठबन्धनको विरोधसभा बालाजुको बाइपासमा
२०७३ जेष्ठ १२ गते, बुधबार
काठमाडौ, १२ जेठ । संघीय गठबन्धनले आज बालाजुको बाइपासमा विरोधसभा गर्ने भएको छ । राजधानी केन्द्रीत आन्दोलन गरिरहेको गठबन्धनले आज
३ बजे बालाजुबाट जुलुस निकालेर ४ बजे बाइपासमा पुग्ने र त्यहाँ नेताहरुले सम्बोधन गर्ने तयारी छ ।
हिजो प्रधानमन्त्रीले आह्वान गर्नुभएको सर्वदलीय बैठक र प्रधानमन्त्रीले वार्ताका लागि पत्र पठाए पनि नगएका गठबन्धन आवद्ध नेताहरुले आज त्यसैका बारेमा कार्यकर्ताहरुलाई सम्बोधनमार्फत कारण बताउने तयारी गरेका छन् । सरकार र सत्तापक्ष दलले भने टुटेकै विन्दुबाट सहमति खोज्ने निर्णय हिजोको सर्वदलीय बैठकबाट गरेका छन् ।
