२०७८ श्रावण १६ गते, शनिबार

काठमाडौं । नेपाल कम्युनिस्ट पार्टीले भारतीय सीमा सुरक्षा बल (एसएसबी)ले तुईन काटेर दार्चुला व्यासका ३५ वर्षीय जयसिंह धामीलाई महाकालीमा खसालेर हत्या गरेको बिरोधमा शनिबार  अपरान्ह देशव्यापीरुपमा बिरोध प्रदर्शन गरेका   छन । यसैक्रममा  काठमाडौंको शान्तिबाटिकाबाट शुरु भएको र्याली विभिन्न ठाउँमा प्रदर्शन गर्दै अन्तमा सोही ठाउँमा पुगेर कोणसभामा परिणत भएको थियो । र्यालीपछिको कोणसभालाई नेपाल कम्युनिस्ट पार्टीका नेताहरुले संबोधन गर्दै   भारतले नेपाल   र नेपालीविरुद्ध विगतदेखि नै  यस किसिमको ज्यादती गर्दै आएको   उल्लेख गर्दै जयसिँह धामीको घटना पनि त्यसैको उपज भएको ठोकुवा गरेका छन  । उनीहरुले  तुईन घटनाको वास्तविक छानविन र दोषीमाथि कडा कारवाही गरि  पिडीतलाई न्याय दिनु पर्ने बताउदै   भारतीय शासकहरुको हस्तक्षेपकारी रवैयाका विरुद्ध देशव्यापी संघर्षमा उत्रने  र आम नेपाली जनतालाई उक्त संघर्षमा साथ् र सहयोग गर्न आग्रह समेत गरेका थिए  ।