‘सहिदको सपना पुरा गर्न क्रान्तिमा होमिएकी हुँ’

२०८० बैशाख ३१ गते, आईतवार

काठमाडौँ । एकीकृत जनक्रान्तीका सहिद गोकुल राणा मगर (महान)कि पत्नी मालती राणाले क्रान्तिमा सहादत प्राप्त गरेका आफ्ना पतिको सपना पूरा गर्न क्रान्तिमा होमिएको बताएकी छिन । आज दाङको तुलसीपुरमा अनेमसंघ क्रान्तिकारी पश्चिम दाङको दशौ जिल्ला सम्मेलनमा शुभकामना मन्तव्य राख्दै सहिद महानकि पत्नी राणाले सो कुरा बताएकी हुन ।
मगर मुक्ती मोर्चा नेपालका केन्द्रीय सदस्य समेत रहेकी मालती राणाले भनिन – ‘एकीकृत जनक्रान्तिमा महान कमरेडले सहादत प्राप्त गर्नुभयो । उहाँको सहादतले म बिक्षिप्त भएकि छैन बरु मैले शोकलाइ शक्तिमा बदलेकी छुँ । म उहाँको सहादतलाई शक्तिमा बदलेर उहाँको सपना पूरा गर्न क्रान्तिमा होमिएकी हुँ । मलाइ बिश्वास छ तपाईं हामी सबै मिलेर हाम्रा सहिदहरुका सपना पूरा गर्नुपर्छ ।’
कार्यक्रममा बोल्दै नेतृ मालती राणाले विप्लवले मात्रै सहिदहरुका सपना साकार पार्ने कुरामा आफू बिश्वस्त भएको बताइन । उनले भनिन – ‘ -‘महिला दिदिबहिनीहरुले हिजो जनयुद्धमा बन्दुक बोकेका हौं । आज हामिले पाएका अधिकार पनि गुम्ने खतरा छ । आज महिलामा नयाँ खालका विभेद देखिएका छन् । दलाल पुजीवादले महिलालाइ वस्तुको रुपमा बुझ्दै महिलामाथी अत्याचार थुपारेको छ । हामिले अब यो बिभेदका विरुद्ध लड्न आवश्यक छ ।’
एक अर्को प्रसंगमा बोल्दै सहिद महानकि पत्नी मालती राणाले पार्टीले सहिद परिवारको राम्रोसंग हेरचाह गर्नुपर्ने बताउदै पार्टीले सहिद परिवारलाइ परेको अप्ठ्यारोमा हरहमेसा साथ दिएको भन्दै जिल्ला पार्टीलाई धन्यवाद समेत दिईन ।

प्रतिक्रियाहरु

[anycomment]