२०८० जेष्ठ २५ गते, बिहीबार

काठमाडौँ । काठमाडौँ महानगरपालिकाका मेयर बालेन्द्र शाहले सभा गृहस्थित आफ्नो कार्यकक्षमा ग्रेटर नेपालको नक्सा राखेका छन् । भारतले आफ्नो नयाँ संसद भवनमा नेपालका भू-भागसमेत समावेश गरेर ‘अखण्ड भारत’ को नक्सा राखेपछि त्यसलाई काउन्टर दिदै मेयर शाहको कार्यकक्षमा दुई-तीन दिनअघि नयाँ नक्सा राखेका हुन् । मेयर शाहले पत्नीको उपचारका लागि भारतको बैंगलौर जानुअघि यो नक्सा राख्न निर्देशन दिएका थिए । शाह अहिले बैंगलुरूमै छन‍्‍।फर्किएलगत्तै नयाँ नक्साको पृष्ठभूमिमा तस्वीर खिचाएर सार्वजनिक गर्ने उनको योजना छ ।
हालै भारतीय प्रधानमन्त्री नरेन्द्र मोदीले देशको नयाँ संसद भवन उद्घाटन गरेका थिए । यस संसद भवनभित्र ‘अखण्ड भारत’ को नक्सामा नेपाली भुमि कपिलवस्तु र लुम्बिनी राखिएको सार्वजनिक भएसँगै नेपालमा तीव्र विरोध भइरहेको छ ।