२०८० आश्विन २० गते, शनिबार

काठमाडौँ । नेपाल कम्युनिस्ट पार्टीका पोलिट ब्यूरो सदस्य भेषराज सी ले मधेसी र थारु जनता देशको पहरेदार भएकाे बताएका छन् । नेकपा पूर्वी जनकपुर ब्युराेद्वारा आयोजित अन्तरक्रियात्मक गाेष्ठिमा उनले साे धारणा राखेका हुन् ।
नेता भेषराज सी ले सामन्तवाद र साम्राज्यवादसँग निरन्तर लड्दै आएका तराई-मधेसका श्रमजीवी जनताले आगामी दिनमा अमेरिकी साम्राज्यवाद र एमसीसीकाे नाममा विकासे नारा बाेकेर आएकाेले त्यसकाे भ्रममा नपर्ने बताए । उनले वैज्ञानिक समाजवादी व्यवस्थाले मात्र श्रमिक जनताको वास्तविक हित गर्ने बताए ।
कार्यक्रममा नेकपाका केन्द्रीय सदस्य ,पूर्वी जनकपुर ब्युरो इन्चार्ज तथा पूर्व सांसद समेत रहेका राम कुमार सीकाे अध्यक्षता र तिलक सीकाे सहजीकरणमा भएको थियाे । धनुषाबाट ढिलो गरि प्राप्त समाचार अनुसार कार्यक्रममा ७०% सहभागी मधेसीमूलका महिला रहेको र त्यसमध्ये अधिकांश मिटरब्याज र जातीय विभेदबाट पीडित महिला रहेको बताइएको छ ।