२०८० पुष २ गते, सोमबार

काठमाडौँ । नेकपा एकीकृत समाजवादीको सचिवालय बैठक पार्टीको केन्द्रिय कार्यालय आलोकनगरमा आज बिहान ११ बजेबाट शुरु हुने जनाइएको छ । यसअघि मंसिर २८ र २९ गतेका लागि तोकिएको बैठक सोमबारदेखि सुरु हुन लागेको हो । बैठक आज र भोलि दुई दिन बस्ने पार्टी प्रचार विभागले जनाएको छ ।
बैठकमा राष्ट्रियसभाको आगामी निर्वाचनमा पार्टीका तर्फबाट उम्मेदवारका लागि मापदण्ड तय गर्ने, देशभरको सांगठनिक अवस्था, जनवर्गीय संगठनको कार्यप्रगतिको समीक्षा गरिने जनाइएको छ । साथै सुशासन, जनजीविका, समसामयिक राजनीतिक विषयमा पनि छलफल हुने प्रचार विभागले जनाएको छ ।