२०८० पुष २ गते, सोमबार

काठमाडौँ । नेपाल कम्युनिष्ट पार्टी सेती ब्यूरोले नेकपाका महासचिव विप्लव सीमार्फत केन्द्रीय कार्यालयलाई नयाँ मालपुवा जातको केराको बेर्ना हस्तान्तरण गरेको छ । सो पार्टीका सेती ब्यूरो इन्चार्ज भगतसिंह सी र कैलाली जिल्ला इन्चार्ज प्रकाश सी सहितका नेताहरुले आज विहान महासचिव विप्लव सीमार्फत् केन्द्रीय कार्यालयलाई उक्त केराको बेर्ना हस्तान्तरण गरेका हुन् ।
उक्त बेर्ना ग्रहण गर्दै महासचिव विप्लव सी ,प्रवक्ता प्रकाण्ड सीलगायतका स्थायी समितिका नेताहरुले सेति ब्यूरो र कैलाली जिल्ला पार्टीलाई धन्यवाद दिएका थिए । कार्यक्रममा महासचिव विप्लव सी, प्रवक्ता प्रकाण्ड सी,सन्तोस सी, अनिल सी, भरत सी र शिलु सीलगायतको उपस्थिति रहेको थियो ।
नेपाल कम्युनिष्ट पार्टीको केन्द्रीय कार्यालयले उक्त केराको बेर्ना कपिलवस्तुको कार्यालय परिसरमा रोपिने जनाएको छ ।