२०८१ जेष्ठ ३० गते, बुधबार

काठमाडौँ । जनता समाजवादी पार्टी नेपालको जनकपुरमा जारी एकता अधिवेशनको तेस्रो दिन आज नेतृत्व चयनका लागि निर्वाचन प्रक्रिया शुरु भएको छ । पदाधिकारी तथा सदस्यहरूमा नेतृत्व चयनका लागि नोमिनेशन कार्यतालिका सार्वजनिक गरिएको छ ।
मतदाताहरूको अन्तिम नामावली प्रकाशन तथा निर्वाचन कार्यतालिका बुधबार नै सार्वजनिक गरिएको थियो । जसअनुसार अपराह्न ४ बजेदेखि हुने निर्वाचनका लागि आज बिहान देखिनै मनोनयनको कार्यतालिका राखिएको छ ।
त्यसपछि उम्मेदवारको नामावली प्रकाशन गरिने निर्वाचन समितिले जनाएको छ । पदाधिकारी तथा सदस्यहरूको मनोनयन पत्रमाथि दाबी विरोधको समय तोकिनेछ भने उम्मेदवारको अन्तिम नामावली प्रकाशन ३ बजे गर्ने कार्यतालिका छ । मतदान कार्यक्रमका लागि अपराह्न ४ बजेदेखि राति ८ बजेसम्मको समय तोकिएको निर्वाचन केन्द्रीय निर्वाचन समितिले जनाएको छ ।