२०८१ श्रावण २६ गते, शनिबार

काठमाडौँ । समाजवादी मोर्चा बुटवलले नेपाल सिद्धार्थ महिला तथा बाल अस्पतालको प्रशासनिक भवनको नामाकरण ब्यक्तिको नाममा गर्ने निर्णय गलत भएको बताउदै उक्त निर्णयको बिरोध जनाएको छ । मोर्चाका संयोजक एवम् नेकपा एकीकृत समाजवादीका नगर अध्यक्ष चिनबहादुर गुरुङ्ग ,नेकपा माओबादी केन्द्र नगर अध्यक्ष महेन्द्र भुषाल, नेपाल कम्युनिष्ट पार्टी नगर सेक्रेटरी विज्ञान सीले शुक्रबार संयुक्त बिज्ञप्ति जारी गर्दै स्थानीय ब्यबस्थापन समितिका अध्यक्षले एकलौटीरुपमा राजनैतिक दलको ब्यक्तिको नाममा नामाकरण गर्ने गरि गरेको निर्णयप्रती गंभिर आपत्ति जनाएको छ । २०५५ सालमा स्थापना भई २० औं वर्ष संचालनमा रहेको अस्पतालको भवनमा दलीय ब्यक्तिको नाम राख्नु गलत भएको मोर्चाको ठहर छ ।
मोर्चाद्वारा बिज्ञप्तिमा सामाजिक महत्व राख्ने संघ संस्था तथा अस्पतालका भवनहरुमा पार्टीका ब्यक्तिको नामाकरण गर्ने निर्णय सच्याउन माग गर्दै निर्णय नसच्याएमा सशक्त प्रतिवादमा उत्रने समेत चेतावनी समेत दिइएको छ ।
गत साउन १६ गते स्थानीय ब्यबस्थापन समितिको बैठकले बुटवलका पुर्ब मेयर स्वर्गीय सुर्यप्रसाद प्रधानको नाममा प्रशाशनिक भवनको नामाकरण गर्ने निर्णय गरेको थियो ।
यता स्थानीय ब्यबस्थापन समितिका अध्यक्ष समेत रहेका बुटवल उपमहानगर प्रमुख खेलराज पण्डेलाई सम्पर्क गर्दा उनले आम्दाका अन्तराष्ट्रिय अध्यक्ष सिगेरु सुगानामीको रोहबरमै आम्दा अस्पतालका संस्थापक अध्यक्ष रहेका पुर्व मेयरको सम्मान स्वरुप अस्पतालका थुप्रै भवनहरुमध्ये एउटामा उहाँको नामाकरण गर्ने बिषयलाई अतिरन्जना नगर्न अनुरोध गरेकाछन । उनले भने यो दलीय बिषय नभएर संस्थापकका हैसियतबाट गरिएको पहलकदमीको सम्मान स्वरुप गरिएको बताए ।