२०८१ भाद्र १ गते, शनिबार

काठमाडौँ । नेपाल कम्युनिस्ट पार्टीले जयसिंह सुनारको निधनप्रति दुःख व्यक्त गरेको छ। सो पार्टीका महासचिव विप्लव सीले शनिबार एक शोक वक्तव्य जारी गर्दै सहिद बिनाका बुवा जयसिंह सुनारको निधनप्रति दुःख व्यक्त गरेका हुन् ।
महासचिव विप्लव सीद्वारा जारी शोक वक्तव्यमा भनिएको छ – ‘महान जनयुद्धका सहिद क. बिनाको बुवा जयसिंह सुनारको २०८१ साल साउन ३० गते भएको असामयिक निधनले हामीलाई दुःखी बनाएको छ । जुम्ला जिल्ला चन्दनाथ नगरपालिका वडा नम्बर ६ घर भएका उहाँको निधनप्रति हाम्रो पार्टी दुःख व्यक्त गर्दछ । दुःखको घडीमा मृतक बुवाप्रति हार्दिक श्रद्धाञ्जली व्यक्त गर्दै सहिद क. बिनाका परिवारजनप्रति समवेदन प्रकट गर्दछौं ।’