२०८१ फाल्गुन ११ गते, आईतवार

काठमाडौँ । नेपाल कम्युनिस्ट पार्टीनिकट युवा संगठन नेपाल रत्ननगरकाे दोस्रो सम्मेलनले सुवास सीकाे अध्यक्षतामा २७ सदस्यीय नयाँ कार्यसमिति निर्वाचित गरेको छ । उक्त सम्मेलनलाई संबिधान गर्दै युवा संगठन नेपालका केन्द्रीय सचिव अनिल सीले विश्व पुजिवाद र दलाल पुँजीवादले हाम्रा युवायुवतीहरुलाई राजनैतिक, आर्थिक, सामाजिक, साँस्कृतिक, शिक्षा, स्वास्थ्या रोजगारीमा ठूलाे असमानता र शाेषणले अत्याचारकाे मार खेपिरहनुपरेकाे ठाेकुवा गरे । उनले नेकपाकाे नेतृत्वमा एकीकृत जनक्रान्तिको कार्यदिशामार्फत हुने नेपाली विषेशताको समाजवादमार्फत असमानता र शाेषणकाे अन्त्य हुने बताए ।
उक्त कार्यक्रममा नेकपा चितवन जिल्ला सेक्रेटरी रुद्र सीले युवाहरू कुनै भातृ संगठन नभएर यो भनेको पार्टीको सहायक संगठन भएको बताए । यसले पार्टीको मूल योजनालाई हेन्ड्ल गर्ने अभिभारा रहेको र हरेक ठाउँमा अगाडि हुन जरुरी रहेको बताए ।
उक्त कार्यक्रममा अतिथिहरु पार्टी केन्द्रिय सदस्य दिनेश सी, केन्द्रिय प्रतिनिधि सदस्य तथा संगठनका केन्द्रिय सचिवालय सदस्य अशोक सी, पार्टी केन्द्रीय प्रतिनिधि सदस्य भरत सी, रत्ननगर इन्चार्ज सारर्दा सीले बधाई तथा शुभकामना मन्तव्य राखेका थिए ।
उक्त कार्यक्रमको अध्यक्षता संगठनका केन्द्रिय सदस्य पारस सीले गरेका थिए भने सञ्चालन दिनेश सी गरेका थिए । कार्यक्रममा अन्य अतिथिहरु संगठनका केन्द्रिय सदस्यहरु पारस, सुमितलगायत युवा नेताहरु उपस्थित थिए ।