२०८१ चैत्र १८ गते, सोमबार

काठमाडौँ । नेपाल कम्युनिस्ट पार्टीका महासचिव विप्लव सीले पश्चगमन र यथास्थिति अहिलेको समाधान नभएको बताएका छन् । सो पार्टीको पोलिटब्युरो बैठकलाई सम्बोधन गर्दै उनले सो कुरा बताएका हुन्।
उक्त बैठकलाई सम्बोधन गर्दै महासचिव विप्लव सीले पश्चगमन र यथास्थिति नभई नेपाली विशेषताको समाजवाद वर्तमान समस्याहरुको समाधान भएको बताए । उनले नेपाली जनता अग्रगमनको पक्षमा रहेको बताउदै नेपालमा पश्चगमनका पक्षमा केही राजावादीहरु सल्बलाएकोले यस बिषयमा विशेष निर्णय लिन पार्टी पोलिटब्युरोको अकस्मिक बैठक बसेको बताए ।

नेकपा स्थायी समिति सदस्य अनिल सीले बैठकमा राजावादीहरुको आन्दोलनबारे छलफल गर्ने, निर्वाचन आयोगमा पार्टी दर्ताको विषयमा छलफल गर्ने, धु्रवीकरणबाट आएका नेताहरुको कार्यविभाजन गर्ने, सामनाले संचालन गर्ने सांस्कृतिक अभियानबारे छलफल हुने, देशभर आमसभा र गोष्ठी गर्ने स्थान र मिति तय गरिने र संघर्षका कार्यक्रमहरुबारे निर्णय गर्ने बताए । बैठक भोलीसम्म चल्ने छ ।