२०८१ चैत्र १९ गते, मंगलवार

काठमाडौँ । सोमबार राति बसेको मन्त्रिपरिषद बैठकले सङ्घीय संसदको चालु अधिवेशन आजदेखि अन्त्य गर्ने निर्णय गरेको । मन्त्रिपरिषद बैठकले प्रतिनिधिसभा र राष्ट्रियसभाको चालु अधिवेशन यही चैत १९ गते मङ्गलबार राति १२ बजेदेखि अन्त्य गर्नका लागि राष्ट्रपतिसमक्ष सिफारिस गर्ने निर्णय गरेको हो । ढिलो गरी सुरु भएको चालु हिउँदे अधिवेशन अन्त्यका लागि राष्ट्रपतिसमक्ष सिफारिस गर्ने निर्णय भएको सरकारका प्रवक्ता एवं सञ्चार तथा सूचना प्रविधिमन्त्री पृथ्वी सुब्बा गुरुङले जानकारी दिए । अर्को बजेट अधिवेशन सरकारले वैशाखमा बोलाउने सम्भावना छ ।
मन्त्रिपरिषदको सिफारिसमा राष्ट्रपतिले सङ्घीय संसद्को दुवै वा कुनै सदनको अधिवेशन आह्वान र अन्त्य गर्नसक्ने संवैधानिक व्यवस्था छ । विधेयक अधिवेशनका रूपमा रहेको संसद्को चालु अधिवेशन गत माघ १८ गतेदेखि सुरु भएको थियो । करिब दुई महिना चलेर अन्त्य हुन लागेको हो ।