२०८२ श्रावण १६ गते, बिहीबार

काठमाडौँ । प्रधानमन्त्री केपी शर्मा ओली भूपरिवेष्ठित विकासशील राष्ट्रहरूको तेस्रो सम्मेलनमा सहभागी हुन यही साउन १८ गते तुर्कमेनिस्तान भ्रमणमा जाने भएका छन्।
सरकारका प्रवक्ता पृथ्वीसुव्वा गुरुङले साउन १२ गते बसेको मन्त्रिपरिषद्का निर्णय सार्वजनिक गर्दै प्रधानमन्त्रीको नेतृत्वमा तुर्कमेनिस्तान भ्रमणमा सहभागी हुने नेपाली प्रतिनिधिमण्डल गठन गर्ने र भ्रमण स्वीकृत गर्ने निर्णय भएको जानकारी दिए।
बैठकले बाढीबाट क्षतिग्रस्त सिन्धुली सडकको आपतकालीन पुनस्थापनाका लागि जापान सरकारबाट प्राप्त हुने २ दशमलव ८ अर्व जापानी येन बराबरको अनुदान सहायता स्वीकार गर्ने निर्णय गरेको छ भने रानी जमरा सिँचाई आयोजना तेश्रो चरणका लागि विश्व बैंक समूहको अन्तर्राष्ट्रिय बिकास संस्थाबाट प्राप्त हुने करिव १८ अर्व ९२ करोड नेपाली रुपैयाँ बराबरको सहुलियतपूर्ण ऋण सहायता स्वीकार गर्ने निर्णय गरेको छ ।
बैठकले न्याय सेवा आयोगको सिफारिस अनुसार सर्वोच्च अदालतका रजिष्टार विमल पौडेललाई न्याय सेवा राजपत्रांकित विशिष्ट श्रेणीको सर्वोच्च अदालतको मुख्य रजिष्टार पदमा बढुवा गर्ने निर्णय गरेको बताइएको chh।
प्रवक्ता गुरुङले बर्षा नहुँदा समस्या परेका किसानलाई आवश्यक राहत लगाएतका व्यवस्था गर्न सरकारले तराई मधेसलाई सुख्खाग्रस्त क्षेत्र घोषणा गरेको बताए। उनले खरिद, निर्माण प्रक्रियाका लागि सहज रुपमा व्यवस्था गर्न सवै मन्त्रालयहरु गम्भीर भएको जानकारी दिए।
प्रवक्ता गुरुङले जनताप्रति उतरदायी र जिम्मेवार भएर तत्काल समस्या समाधान गर्न खोजेको भन्दै यसमा अनावश्यक राजनीतिक स्टन्डबाजी आवश्यक नरहेको बताए ।