२०८२ आश्विन २० गते, सोमबार

काठमाडौँ । निर्वाचन आयोगले मनाङमा कार्तिक १७ गतेका लागि तोकिएको प्रदेश सभाको उपनिर्वाचन स्थगित भएको जनाएको छ । आयोगले अर्थमन्त्री, गृहमन्त्री र कानुनमन्त्रीसहित गरेको छलफलपछि मनाङको प्रदेश सभाको उपनिर्वाचन स्थगित गर्ने निर्णय गरेको जानकारी दिएको हो ।
आयोगले भदौ २३ गतेको जेनजी आन्दोलनका कारण निर्वाचन तालिका प्रभावित भएको भन्दै अब निर्वाचन कार्यक्रम पछि प्रकाशित गर्न भन्दै हालका लागि उपनिर्वाचन स्थगित भएको जानकारी दिएको छ ।
छलफलमा फागुन २१ गतेका लागि घोषणा गरिएको निर्वाचनको तयारी र आवश्यक पर्ने स्रोत साधनका विषयमा छलफल भएको आयोगले जनाएको छ ।