छोरीलाई श्रीमती बनाएर बच्चा जन्माउने बाबु पक्राउ

२०७० जेष्ठ २८ गते, मंगलवार

इटहरी, २८ जेठ- नेपाली समाजमा आफूलाई जन्म दिने बाबुआमालाई भगवान सरह नै मान्ने गरिन्छ । पितृसत्तात्मक मुलुक नेपालमा बाबुलाई त घरमुली नै भन्ने गरिन्छ । आफ्ना सन्तानको इज्जतको ख्याल गर्नु र गलत बाटोमा हिड्न नदिनु घरमुलीको नाताले बाबुको बढी नै दायित्व हुन्छ । तर, इटहरी–२ का एक बाबुले भने आफ्ना छोरीहरुको इज्जतको ख्याल गर्नु र उनीहरुलाई गलत बाटोमा हिड्न नदिनु त कता हो कता, उल्टै उनीहरुको इज्जतमाथि खेलवाड गरेको घटना सार्वजनिक भएको छ । सुन्दै आङ नै जिरिंग हुने यो घटनाले नेपाली समाज कता जाँदैछ भन्ने प्रश्न पनि उब्जिएको छ । छोरीलाई बाबुले नै बलात्कार गरेको घटना बेला बेला सार्वजनिक नभएका होइनन् । तर, छोरीलाई नै श्रीमती बनाएर बच्चासमेत जन्माएको यो घटनाले जो कोहीलाई भावविह्वल बनाउँछ । आफ्नै जेठी छोरीलाई सात वर्षअगावै श्रीमती बनाएका शान्तिनगर बरगाछी निवासी ५१ वर्षीय सौगात साहको कर्तुत उनकै तीन छोरीले सार्वजनिक गरेका हुन् । जेठी छोरी कविताबाट बच्चासमेत जन्माएका सौगातले आफूहरुलाई बलात्कार गर्न खोजेको भन्दै साइली छोरी प्रीति, काइली लक्ष्मी र अन्तरी पार्वतीले इलाका प्रहरी कार्यालय इटहरीमा बाबुविरुद्ध किटानी जाहेरी दिएपछि घटना सार्वजनिक भएको हो । जेठी छोरीबाट जन्मेको बच्चा ६ वर्षको हुँदासमेत चुपचाप सहँदै आएका तीन छोरीहरुमाथि नै बलात्कार गर्न खोजेपछि उनीहरु सोमबार भागेर प्रहरी कार्यालय पुगेका थिए । उनीहरुको कुरा सुनेर प्रहरीहरु नै आश्चर्यचकित बनेका थिए । छोरीहरुको उजुरी र वयानलगत्तै प्रहरीले सौगातलाई पक्राउ गरेको थियो । उनलाई हिरासतमा राखी प्रहरीले अनुसन्धान गरिरहेको छ । इलाका प्रहरी कार्यालय इटहरीका नायव निरीक्षक (सई) गोविन्द खवासले अभियुक्त सैगातलाई म्याद थप गरी अनुसन्धान अघि बढाइएको बताए । उजुरी दिन आएका छोरीहरुसँग प्रहरीले एक्लाएक्लै सोधपुछ गरेको थियो । सबैको एउटै वयान आएपछि प्रहरीले सौगातलाई पक्राउ गरेको हो । उनीहरुले इज्जतको डरले लामो समयदेखि वास्तविकतालाई लुकाउनु परेको वयान दिएका थिए । त्यसो त, ६ वर्षीय छोरालाई लिएर स्थानीयले पनि सौगातमाथि प्रश्न नउठाएका होइनन् । उनले र छोरीहरुले समेत सो बच्चालाई भेटेर ल्याएको भन्दै समाजलाई ढाँट्दै आएका थिए । तर, अन्य छोरीहरु पनि असुरक्षित बनेपछि उनीहरुले घटनाको वास्तविकता खुलासा गरेका हुन् । छोरीलाई श्रीमती बनाएको आफ्नै अन्य छोरीहरुले खुलासा गरेपछि प्रहरीले दुबैको स्वास्थ्य परीक्षणका लागि धरानस्थित बिपी कोइराला स्वास्थ्य विज्ञान प्रतिष्ठानमा पठाएको छ । घरमा बस्न असुुरक्षित भएको बताएका तीन छोरीलाई भने इनरुवास्थित महिला विकास कार्यालयको सेवा केन्द्रमा राखिएको छ । सौगातका ६ छोरीमध्ये साइली प्रीति १०, काइली र अन्तरी क्रमशः लक्ष्मी र पार्वती सोही ठाउँमा रहेको महेन्द्र उच्च माध्यमिक विद्यालयमा ७ कक्षामा पढ्दै आएका छन । ‘तिमीहरुले पढेर काम छैन, घरको कुरा बाहिर लगेको भनेर जेठा छोरा नविनले कुटपिट गर्न थालेपछि बाध्य भएर घरबाट भागेको साइली प्रीतिले आफूलाई भनेको विद्यालयका प्राचार्य धर्म भट्टराइले बताए । घटना बाहिर आएलगत्तै स्थानीय महिला अधिकारकर्मीहरु सौगातको परिवारविरुद्ध उत्रिएका छन । महिला अधिकारकर्मी रुकमिणि कोइरालाले समाजमा यस्तो जघन्य अपराध गर्नेलाई समाजबाटै बहिस्कार गरी कडा कारबाही गरिनुपर्ने माग राखिन् । उनले सैगातलाई कारबाही गर्न सुनसरी जिल्लामा क्रियाशील सबै महिला अधिकारवादी संस्थाहरु एक भएर हस्ताक्षर अभियानको समेत थालनी गर्न लागेको बताइन । यस्तै छिमेकी राधा नेपालले बच्चा जन्मिएदेखि नै आफूले सौगात परिवारको गतिविधिलाई नजिकबाट नियालेको दाबी गर्दै उनकै सन्तान भएको दाबी गरिन् । उनले सैगातमाथि कानुनी कारबाही नभए सामाजिक रुपमा कडा कारबाही गर्ने चेतावजनी दिइन् । यता आरोपित सौगातले भने छोरीसँग माय गाँसेका केटाले छाडेर गएपछि बच्चा जन्मिएको दाबि गरेका छन । उनले सो कुरा बाहिर आए आफूहरुको बदनाम हुने डरले लुकाउँदै आएको दाबीसमेत गरेका छन । जेठी छोरी कविताले पनि आफ्नो प्रेमीको बच्चा भएको र प्रेमी भागे पनि आफूले छोरालाई जन्म दिएकी बताएकी छन् । उनले इज्जत जाने डरले अहिलेसम्म सही कुरा लुकाएर समाजलाइ पनि गलत कुरा गर्दै आएको बताइन् । – पवन अधिकारी, राजधानी दैनिक

प्रतिक्रियाहरु

[anycomment]

सम्बन्धित समाचारहरु

शिवसेनाका अध्यक्ष बस्नेत पक्राउ

२०८२ बैशाख २८ गते, आईतवार

मुग्लिन–नारायणगढ सडक अवरुद्ध

२०८२ बैशाख २८ गते, आईतवार

चक्रपथ वरपर जाकाराण्डा फूल ढपक्क

२०८२ बैशाख २६ गते, शुक्रबार

कानुन दिवस मनाइँदै

२०८२ बैशाख २६ गते, शुक्रबार