२०७० कार्तिक १६ गते, शनिबार

काठमाडौं, कात्तिक १६ – नील हिरा समाजको आयोजनामा दक्षिण एसियामै पहिलो पटक नेपालमा समलिंगी पुरुषको सौन्दर्य प्रतियोगिता हुँदैछ ।आज दिउँसो ३ बजे राष्ट्रिय नाचघर जमलमा हुने समलिंगी पुरुषको सौन्दर्य प्रतियोगितामा देशभरका १८ जनाले प्रतिपष्र्धा गर्दैछन् ।तेश्रोलिंगीको सौन्दर्य प्रतियोगिता पिंक प्याजेन्ट हुँदै आएपनि समलिंगी पुरुषको सौन्दर्य प्रतियोगिता यसअघि भएको थिएन । समलिंगी पुरुषलाई समाजमा खुल्ने वातावरण बनाउन प्रतियोगिताले सहयोग गर्ने नील हिरा समाज चण्डोल शाखाका कार्यक्रम संयोजक बासु गुरागाईले जानकारी दिनुभयो ।
प्रतियोगितामा समलिंगी पुरुषहरुको शारीरिक तथा बौद्धिक क्षमताको मुल्यांकन गरिनेछ । प्रतियोगितामा एचआइभी एड्स र यौन रोगबारे पनि जानकारी दिइने नील हिरा समाजले जनाएको छ ।